Oriok irabazi du Gipuzkoako Trainerilla Ligako 1. jardunaldia

Zarautz hirugarren izan da eta Aita Mari, berriz, bosgarren

Gaur eguerdian hasi da 2008ko Gipuzkoako Trainerilla Liga. Bost jardunaldietatik lehena Orion izan da, eta etxekoak nagusitu dira senior mutiletan 11:46,22 denbora eginda. San Pedro (11:48,91) eta Zarautz (11:49,03) izan dira hurrenak, eta eskualdeko hirugarren taldeak, Aita Marik, alegia, bosgarren egin du 11:54,92 denborarekin. Liga alde batera utzita, trainerilletan estropada gehiago ere jokatu dira, eta eskualdekoek irabazi dute guztietan; gizonezko seniorretan Zarautz Ck, nesketan Getariak eta jubeniletan ere Getariak. Eguraldi haizetsua baina zoragarria izan dute gaurkoan arraunlariek eta jende askok jarraitu du lehia bertatik bertara.

Iturria: Urola Kostako HITZA