05.04.08 -
XXVI. San Telmo trainerilla saria jokatuko da bihar, arratsaldeko 5etan Zumaian, Urola ibaian jartzen den estropada eremuan. Estropada honekin emango zaio hasiera 2008. urteko trainerilen denboraldiari.
Lau txanda izango dira. Lehenan, Zumaia C, Hernaniren aurka arituko da; bigarrenean, Zumaia B, Elantxoberen aurka; hirugarrenean, Zumaia A, Koxtaperen aurka eta laugarren txandan, Zarautz, Castroren aurka. Urte asko dira zumaiarrek etxeko estropada irabazi ez dutela. «Aurten ere lanak izango ditugu Zarautz eta Castro gainditzen, baina neguan oso lan ona egin dugu, eta animatuta gaude.» Arraunlarien esanetan, «oso ondo ari gara arraunean. Beraz, igandean, lan ona egiteko moduan daude Luxiaren mutilak.
Igandean bertan, estropada jokatzen den bitartean, Zumaiako arraunaren otarra zozkatuko da. Boletoak euro batean daude salgai, eta otarrean sari hauek daude: telebista, 600 euro, musika-katea, argazki-kamera, DVDa eta otarra (janari ugariz betea).Fuente: DV
